M for Melo

 
 
攝於深水埗，香港


工作關係，我不時就會去深水埗走一轉。讀書時最愛深水埗警署對面的「棚仔」，布款多之餘，有些更是來佬貨，花點時間就一定會挖到寶。做project不用考慮可穿性，反而重視布料夠唔夠新。「棚仔」買布沒有最低消費，一碼也可成交，自然深得一眾學生街坊愛戴。

另一個即買即取的地方是基隆街鐵皮屋，款式屬大眾化口味，吸引不少三姑六婆叔伯兄弟。除了「棚仔」和鐵皮屋，其他布行地鋪可謂「學生止步」。於他們而言，學生猶如瘟神。做project無需次次買布做衫，貼布片做presentation board時，布行的布卡就用得上了。面對這班來運吉的，布行直接在門口貼告示說明「學生不得取布卡」。只可惜道高一尺，魔高一丈，我們在其他布行時裝公司拿一堆名片有備無患，最重要被chok時保持啖定，答一、兩句行內術語。再來穿得正路一點，又成功闖關。 

呀姐，唔該整多幾份布卡，又比我拎晒啦!!!


相關文章：

我之所以愛這一間茶餐廳
http://melomelo.pixnet.net/blog/post/58221138

--------------------------------------------------------------------------------------------------------------
Facebook: https://www.facebook.com/mformelo